Хүлээлт

Хүний энэ орчлонд төрөөд
Хүсэл хяслын орчилд хөвөн
Хийх үйлээ тэнгэрт оршоож
Хэлэх үгсээ тархиндаа хураан
Алтан нарны цацрагт мөнхрөх
Ашдын их үйлэндээ сэрэхүйд
Өнө мөнхийн ухаарлыг олох
Өршөөл хайрын сэтгэлд умбан
Өр зүрхний хайрыг ундруулж
Өвгөдийн их түүхэнд ухаажиж
Үг үйлдлээ нийлүүлэн байж
Өөрийн биеийг засан байж
Өнө мөнхийн Их Монголоо
Үеийн үед мандуулан бадруулах
Үрс олон балчир зүрхнүүд
Өргөө юугаа гэрэлтүүлэн байна уу
Үйл юугаа ухан байна уу
2013.9.11