Үхэж төрөх амьдрал бүрт

Үүрдийн дурсамж үлддэг болов уу?

Үнэнч сэтгэлийн тэр л холбоос

Үеийн үедээ танигддаг болов уу?

Түүхээ сөхөн ухаарлыг хураах

Төгөлдөр ухааны хэм хэмжээг

Төгс болгох гэж үнэнч сэтгэл

Түүх хүүрнэдэг ч юм бол уу?

Оршиж байсан нь үнэн юм бол

Оршоож үлдээсэн бүхнээс

Онцолж тодлох үнэнч сэтгэл

Орчлонд уусаж зүрхэнд шингэж

Он цагийг элээдэг юм болов уу?

Зүрхэнд шингэсэн тэр л дурсамж

Зүүд нойронд сэргэдэг юм болов уу?

Зүсэрч орох борооны дуслууд шиг

Зүгээр л хөрсөнд шингэж шим болон

Зүйлийн цэцэгсийн цомирлогт өндийн

Зөн билэгт уусдаг ч юм болов уу ?