Баяр хөөр уйтгар гуниг
Атаархал хорсол шунал тачаал
Алдаа оноо амжилт уналт бүгд
Урсан өнгөрөх цаг хугацааг даган
Алсран одох нь орчлонгийн жам
Хүлгийн жолоогоо тавин зүг чиггүй мэт болох үед
Ширүүн шуургыг намжаах уужуу ухаан, энэрэл хайр
Үнэнтэй нүүр тулан мөнхийн замналыг бүтээнэм
Цаг хугацааны эрхэнд үл автан мөнхрөх бүхэн
Түүхийн нугачаанд улам тодрон гэрэлтнэм
Эгэл бүхний энгийн түүх
Эгнэшгүй андуудын хамтын түүх болохуйд
Эрин зууныг дамнасан үлгэр туульс болон
Ирээдүй хойчийн зам мөр болном
Эгэл нэгний энгүүн түүхийг бүтээх бүхэн
Эв эеийг дээдлэн мөрлөвөөс замын хүзүү уртасч
Дутуу бүхнээ дүүргэх эрдэмд нэвтэрч
Дуусашгүй мөнхийн гэрэлд шингэнэм
