Эрин зуунаар алслагдсан тэртээгээс
Эрдэм мэдлэг хуримтлагдан цугларч
Цаг хугацааны шалгуурт шигшүүлж
Цаглашгүй мөнхийн тавиланд бөхлөгдөхүйд
Эцэс төгсгөлгүй мэт мөнхийн урсгал
Эргэх хорвоогийн тэмцэл тэнцвэрт
Ялах ялагдах хоёрын хооронд
Ялгаа үнэндээ бий гэж үү?
Янаг сэтгэлийн тунгалагийг олвоос
Ялгаа зааг үгүй болох уу?
Заагийг давсан эр зоригтонг магтая
Зам мөрийг тодлох гэгээ бүхэнд уусаж
Заяа тавилангийн жим бүхэнд гэрэл болох болтугай
