Мэдсэн дуулсан байлаа гээд
Мэдрэмж дүүрэн байлаа гээд
Өр зүрхний угтаа байгааг
Өнгийж харж дийлэмгүй бол
Мөнх оршихуйн учиг юуг
Мөрөөдөл болгон чигээ барих
Чин сэтгэлийн угсаа гарвалын
Цэгц чанарыг алдах вий
Мөр гүн зэрэгт хүрэх гэдэг
Мөрөөдөл төдий зүйл гэж үү
Мөнх амьдралын хэлхээг бөглөх
Мөр замын ариусал бус уу
Өөрөө өөрийгөө танин байж
Өнгөцхөн хэлбэрийг тандан байж
Өнөд орших их түүхийн
Үүрдийн хэлхээ болох бус уу
Аав ээжээ мэддэг шигээ
Ахас ихсээ танидаг болж
Ардын сэтгэлийг хөглөн байж
Амин чанарыг ухах буй заа
No comments:
Post a Comment